އައްޑޫ ސިޓީއަށް މޫސުން ގޯސްވެ، ރީނދޫ ސަމާލު ނެރެފި

ރާއްޖޭގެ އެންމެ ދެކުނުގައި އޮންނަ އައްޑޫ ސިޓީއަށް މޫސުން ގޯސްވުމުގެ ސަބަބުން، މޫސުމާ ބެހޭ ޤައުމީ އިދާރާއިން ރީނދޫ ސަމާލު ނެރެފިއެވެ.

މޫސުމާ ބެހޭ ގައުމީ އިދާރާ އިން ވިދާޅުވީ، އައްޑޫ ސިޓީއަށް ރީނދޫ ސަމާލު ނެރިފައިވަނީ މިއަދު ހެނދުނު 07:45 އިން ފެށިގެން 10:45 އަށް ކަމަށެވެ. އަދި މި ވަގުތުތަކުގައި އައްޑޫ ސިޓީއަށް ގުގުރުމާއެކުގައި ބޯކޮށް ވާރޭ ވެހޭނެ ކަމަށް ލަފާކުރެވޭކަމަށް މޫސުމާ ބެހޭ ޤައުމީ އިދާރާއިން ވަނީީ ވިދާޅުވެފައެވެ.

މީގެ އިތުރުން، މޫސުމާ ބެހޭ ޤައުމީ އިދާރާއިން ވަނީ، މިއަދު ހެނދުނު 06:50 އިން ފެށިގެން މެންދުރު 12:00 އަށް ތ. އަތޮޅުން ފެށިގެން އައްޑޫ ސިޓީ އާ ހަމައަށް ހުދު ސަމާލު ވެސް ނެރެފައެވެ.

Alert Yellow for torrential rain and thunderstorms. pic.twitter.com/ECwPXyIwKZ

— Maldives Meteorology (@MetMaldives) August 25, 2025